阿晴 first year，識咗個高年級師兄，傾得好投契，師兄約佢夜晚去佢屋企『傾下 project、飲返杯』。
到咗先發現得佢兩個，師兄一路斟酒一路埋身，佢心裡覺得好唔妥，但又怕『大驚小怪』、怕失禮、怕破壞關係，唔敢起身走。
佢一路搵藉口拖時間，終於借尿遁 send 咗個 location 畀同學，同學即刻打嚟話『落樓等你』，佢先夠膽起身講句『我要走喇』。
事後佢先明白，當時心裡嗰把叫佢『快啲走』嘅聲，由頭到尾都係啱嘅，只係佢差啲為咗唔想失禮，而 mute 咗自己。
身處令你覺得唔妥／唔安全嘅處境（夜歸、獨處、被埋身、被灌酒、氣氛怪）